دُمت لي قلمي صوتاً لقلبي..

ودُمت لي شاطئي سكناً لأيامي..


‏إظهار الرسائل ذات التسميات حملة التدوين اليومي. إظهار كافة الرسائل
‏إظهار الرسائل ذات التسميات حملة التدوين اليومي. إظهار كافة الرسائل

ديسمبر 01، 2011

خاتمٌ في إصبعِ القلب..♥


خاتمٌ في إصبعِ القلب..♥ 


لا زالت تحتارُ كلَ صباحٍ نفس ِ الحيرة..أيُ الحُلي ليومها تختار..

يومُ عملٍ مُرهق كالمعتاد..

لن يُلائمه خاتمها الذهبي البراق..

حسناً



هل ترتدي خاتمها الفضي المُعتاد..


لطالما اعتبرته تميمة حظها..

قهرا معاً الكثيرَ من الصِّعاب..

ولكنها تفتقرُ ضرباً من تجديدٍ في حياتها..حسناً هل ترتدي خاتمها 

ذو الفص الكهرماني الوحيد..


لطالما أشفقت عليه من وحدةٍ بلا رفيق..

~~~~~~~~~~~


أم ترتدي سوارها الذهبي الجديد ..

هديةُ عيدِ ميلادها الأخير..

من أخيها الوحيد..


انه عامها الثامن والعشرون..


بدأت نظراتُ الإشفاق منذُذلك الحين تتزايد..


فهاهي تسيرُ بقدمٍ ثابتةٍ نحو الثلاثين..



في عِدادهم هي في محطةِ الزواج الأخيرة..

وعلى أعتابِ بلاد العنوسة القاتمة..

لكنها لم ولن تُبالي بعدادهم..فما عندَ الله حيٌ يبقي..

وما عند الله واسعٌ بلا تعديد..

حينها مسحت دمعةً سالت على خدها..

نظرت لأصابعها في حنو..لن نرتدي حُلياً اليوم..

وسيكون ذلك هو التجديد..

ما زالت تنتظرُ يوماً تتخلصُ فيه من حيرةِ كُلَ يوم..


 
لتكتفي بدبلتهِ الذهبية....


أجملَ حُليةٍ لهــــــــــــا...♥
NeRmEeN MahMoUd

نوفمبر 18، 2011

انزل من بُرجك العاجي..!



انزل من برجك العاجي..
وبص وراك وادامك
اعرف مين كان في أيامك..
ومين بسهوله كان باعك

اعرف بقلبك حقيقة في الدنيا
لا الأسود كان في يوم أبيض
ولا اللي حبك كان في يوم رمادي

المس بايديك جراح قلبك..
واعرف كام جرح كان عادي
وكام جرح كان بصوت ألم ينزف
وانت م الخيبة مش داري

واحسب في الثانية كام دقة
وكام ساعة تعدي ع الدقة
كام فرحة حلوة بتعدي
وانت مركز بس ف الدقة
كام عُمر عدي من عمرك
وقلبك لسه مستني
يقول بكرة
يقول بعده
يقول في يوم من الايام
هنرجع تاني زي الناس
في كل دقيقة بتعدي
يدق القلب ميت دقة

سيبك أوام م اللي فاتك
واصحي بسرعةمن أحلامك
وانسى امبارح احنا بكرة
واللي يبيع مش بيشتري تاني
احلم بنفسك في يوم جديد
خليك في اللي جاي من بعيد

وقول لنفسك بكرة أحسن
بكرة أكيد قلبي هيفرح
بكرة هيبقي حلمي أكيد


NeRmEeN MaHmOuD


أزمة ثــــقة..!



نُصر علي أن يدخل أولادنا كلية الطب، بينما لا نثق في الأطباء


سياسةٌ غريبة وقمة في التناقض تلك التي يسير بها مجتمعنا المصري الغريب.. فنحن نربي أطفالنا لكي يصيروا أطباء..نغرز في أذهانهم تلك الصورة الوردية البعيدة عن الواقع صورة البالطو الأبيض الخيالي..العيادة النظيفة..العمارة ذات الثلاثون طابقاً العروس الجميلة السيارة الفارهه..أو العربية..إنها أسطورة الخمسة عين كما يحلو لشعبنا البسيط أن يسميها..


ويظل السباق محموماً في المدارس والثانوية العامة بين طلاب القسم العلمي ..الكل يبحث عن حلم البالطو الأبيض_إلا من ندر_حتى وان لم يكن هذا هو اختياره فسيكون اختيار أهله وأقربائه..فهم يحلمون منذ البداية بطبيب العائلة(:


ذلك الكائن الذي يصبح حقاً مشاعاً لكل فردٍ في العائلة..فالكل مقتنعٌ تماما بأنهم سر نجاحه،وسبب تلك الأبهة _باللغة المصرية_وهم لا يعرفون أو يتجاهلون ما وراء الكواليس من عذاب مرير في دهاليز كليات الطب بجامعاتها المختلفة..أو أروقه المستشفيات التي تتكسر علي أعتابها كل أحلام الطلاب بمستشفيات جرايز اناتومي و هاوس..

على الرغم من تلك الرغبة المحمومة المشتركة في كل طبقات المجتمع..مع اختلاف صورها واختلاف التعبير عنها .إلا أننا شعبٌ يكره الأطباء،ويثق في الصيدلي صاحب الصيدلية التي تقع في أول الشارع أكثر مما يثق في ابنه شخصياً..

فنحن شعبٌ لا يفكر في استشارة الطبيب إلا بعد أن تفشل الكثير من المحاولات والعشرات من الأدوية بل وقد تتحول الحالة البسيطة الأولية إلى حاله متفاقمة وكل ذلك تحت العبارة المشهورة::إنا مبستريحش لدكاترة،دول مبيفهموش حاجه!!!


أتذكر تلك الجملة العابرة الطريفة في أفلامنا القديمة في الريف..عندما كان احدهم يتحدث عن الطبيب بيطري قائلاً:الدكتور البيطري ده أهم واحد في البلد..ده الواحد مبيوديش عيل من عياله للدكتور لو بيموت،انما لو الجاموسة تعبت لازم نطلبلها الدكتور.
 ~~~~~~~~~~~~
ثقافةٌ أصيلة ومتأصلة نتشاركها برغم اختلاف الثقافات واختلاف الطبقات ،ربما كان ذلك رغم انفنا فقد أصبح ذلك مكوناً من مكونات شخصيتنا..
ولا أُعفي أبناء المجال الطبي من هذه الثقافه..فإذا نظرنا إلي أنفسنا نحن أبناء كلية الطب..تجدنا نسير علي نفس النهج، نترك المرض يتملكنا والإعياء يستهلكنا ونأبى استشارة الطبيب إلا بعد أن تتفاقم الأمور وتعجز خبرتنا العظيمة بأدوية المنزل عن استيعابها..

لا أستطيع أن القي باللوم كاملاً علي ثقافة مجتمعنا..فتلك الثقافة لم تنشأ من فراغ ،انما من تلك الخبرة السيئة وذلك الباع الطويل مع الطب والأطباء والمستشفيات في مصر، فكم من مريضٍ  مات نتيجة الإهمال الطبي..وكم من مستشفي تخلو من ابسط الإمكانيات اللازمة لعلاج الحالات البسيطة للمرضي..فما بال غرفه العمليات..وكم من طبيبٍ يجهل أسس التعامل مع المريض وينسي ضميره ومراعاة حق بلاده عليه في عمله ويتفرغ فقط لعيادته الخاصة أو مستشفاه الخاص..


إنها ثقافة تبادلية ..تحتاج إلي  إعادة بناء جسور الثقة ..وتحتاج إلي إعادة بناء الهيكلة الطبية..التي ننادي جميعاً بتطويرها ولازال كل حديثنا حبراً علي ورق..

سيظل بداخلنا دوماً الأمل في التغيير..تلك الكلمة التي ننتظرها منذ امدٍ طويل..وانت تنتقل إلينا روح الغرب في مستشفياتنا وهيئاتنا الحكومية وخدماتنا ومرافقنا العامة..بدلاً من اقتصارها علي ملابسنا التي اكتست بطابع غربي أو أفلامنا ومسلسلاتنا وثقافات شبابنا التي نست أننا أمة إسلامية..وحضارة عربيه..



وسيظل الأمل باقياً في أن نتحول من أمةٍ تفرح بشهادات كلية الطب..وتحتقر كل من يمارسون مهنتها..

NeRmEeN MaHmoUd

علــــــــبة إزاز!!


علبة ازاز محبوس فيها
شايف الناس من جدرانها
بيشاورو عليك
وينادوعليك تِطلَع بره
وانت يا مسكين بتقول لأة
بتقول مبسوط جوه العلبة

أصلَك معذور
من يوم ما وعيت
يا حزين ع الدُّنيا
وانت محبوس
جوه العلبة

شايف الناس بره بتضحك
أشباح ماشية
شفايف رايحة
شفايف جاية
وانت يا ولداه وحدك جوه
لا سامع صوتهم
لا حاسس خوفهم
أطرش يا عبيط وسط الزحمة

علبة ازاز جواها الدنيا
كام وردة اتقطفو في الزحمة
كام قلب اترسَمو ع الصَّفحة
وانت يا مسكين فرحان بيهم
فاكر اتزرعو عشانك وحدك
ولا اترسَمو ف حبك وحدك
                            
علبة ازاز ف ايدين سجَّانك
لما بيفضى يطل عليها
لما يمل هيلعب بيها
وانت يا مسكين فاكره حبيبك
شاغلاه عنك حاجه خطيرة
ومش بمزاجه سايبك وحدك
حلم حياته يفضل جنبك
وكرامة لحبك حياته
هيفنيها

علبه ازاز روحك فيها
كل حياتك هي عذابك
وايدين سجَّانك

تفضل ليلك تحلم بكرة
هييجي يزورك
هييجي بإيده يرمي الوردة
تفرح بيها
هييجي يقولك مش بمزاجي
غصب عني
خايف مرة اسيبك بره
لتضيع مني
وتلهيك الدُنيا وتلاهيها
وانت تصدَّق
قلبك يفرح
قلبه حنين
قلبه رهيف
خايف ع العلبة تروح منه
وانت يا مسكين
غافل بردو

علبة ازاز مسجون فيها
والورد بيدبل بالأيام
والرَّسم تروح منه الألوان
والسجَّان يزهق م العلبة
وينساك وحدك بالأيام

علبة ازاز حوافيها بتلمع
مدهونه دهب
معدنها صفيع
بمرور الوقت
صدا دهبها
واللي تملِي بيلعب بيها
مل ما فيها
راح بالأيام خوفه عليها
وبإهماله تقع من أيده
وانت يا مسكين قاعد جوه
كل مرة تقع العلبة
قلبك يقف
تتبرجل انت
وجدار العلبة يزيد كسرة

لحد ما يوم وقعت مرة
آخر مرة
اتكسرت منه
لستين حتة
ومشي وسابك وسط ازازك
مهو مش فاضي
يوطِّي يجيبك

وجري الناس بسرعه يشوفوا
انت كويس
وريني أيدك
طب ما تخافشِ
حاجه بسيطة
متعورتش
طب خير والله
بركة سليمة
ايوة كويس
قلبي استنو
كان ف العلبة
شكله اتكسَّر
مليون حتة
يلا بسيطَة
فرصه سعيدة
أول مرة اسمع صوتكو
أول مرة أشوف الزيطه
أول مرة أشوف إيه بره
أول مرة اسيب العلبة

اتاري الورد جنانيه كتيرة
والقلب مهوش رسمه عبيطه
ده نبض وحب
حاجه كبيرة
والسما واسعة
ساعات دافيه
وساعات بردو
رياحها شديدة
آل وانا عشت حياتي ف علبة
جدرانها ازاز
حوافيها بتلمع
مدهونه دهب
معدنها نحاس

بس استنو
أنا كنت سجين
فين سجَّاني
ردوا وقالو
تلاقيه مشغول
أو راح يلحق
قبل الزحمه
يشتري علبه
علبة ازاز

بس جديــــــــــــدة~

N.M