دُمت لي قلمي صوتاً لقلبي..

ودُمت لي شاطئي سكناً لأيامي..


أكتوبر 28، 2011

حلـــــوة قوي الدنيا




حلوة قوي الدنيا


ومليانة ورد


وساعات كتير وحشه


ومليانه برد


واسعة قوي الدنيا


ومليانه ناس


وساعات كتير زحمة


ومليانة بُعد


 زاهية قوي الدنيا


ومليانة رسم


وساعات كتير باهته


 ومليانة حزن


واضحة قوي الدُنيا


مليانة وِد


وساعات كتير غامضة


مليانة حِقد


نفضل ليالي ندور


بين الفرح والخوف


بين القلق والوعد


بين الشبع والجوع


يجمعنا بس سؤال


علي فين بينا رايحة


ولا منين جاية


وليه السبق والجري


وليه الوَجع والغدر


أخرتها فين يعني


أهي كلها فانية


ومهما عِشنا سنين


عُمرنا ثانية..

N.M

بقلمي الساعه

هناك تعليق واحد:

الاشتراك في: تعليقات الرسالة (Atom)