افتحـــو الشبابيك..

 

 

افتحو الشبابيك عايز أحس بالهوا

افتحو الشبابيك قلبي مريض

والهوا هو الدوا

يابني بتقول مريض

والبرد هيزيد العيا

افتحو الشبايك

اش فهمكو في الطب والدوا

افتحو الشبابيك للهوا

ده الهوا هو الداء وهو الدوا

افتحو الشبابيك

محتاج انا لنسمه هوا

افتحو الشبابيك

جايز اموت

وتقولو كان قلبه مريض

مات وكان نفسه

ف نسمه هوا

افتحو الشبابيك عايز اشوف لون السما

عايز اشوف الشمس نورها

مالي الدنيا حب ودفا

عايز اشوف الطير مالي الفضا

اسمع غناه بيغني للشوق والوفا

افتحو الشبابيك يمكن تعدي

ع البيبان نسمه وفا

تداوي قلبي م الجفا

افتحو الشبابيك انا المريض

وانا الطبيب وانا الدوا

افتحو الشبابيك خايف اموت

م البرد من غير الهوا

افتحو الشبابيك جوايا طفل مشتاق للبراح

مشتاق لعمره وشبابه اللي راح

افتحو الشبابيك خلو قلبي يطيب

خلو الهوا يداوي بايديه المصاب

خليه يرد اللي شاله من ضلوعي

وراح مع العمر اللي راح

راح في غمضه عين ف الهوا

افتحو الشبابيك

خايف اضيع و تقولو مات

كان طبيب وكان مريض

كان داءه ودواه الهواِ

وقتله الهــــــــــــوا

ـــــــــــــــــــــــــــــــــــــــN.M