يا مصر

يا مصر يام الطيبين

يا مصر يام المظلومين

يا مصر يام الشقيانين

والفرحانين والمسجونين

والمحرومين و المدبوحين

يا مصر يا بلد حضارة ملايين سنين

يا مصر يا تاريخ الميلاد

يا مصر يا بلد العماد

يا مصر يا بلد الآمنين

يا مصر يا مصب نهر النيل

يا مصر رجالك حرروكي

 م الأجانب والغيلان

واستعمروكي ولادك

 وبقيتي جارية للحيتان

يا مصر قالو ثورة وفرحوكي

ورجعو تاني استعبدوكي

يا مصر انتي حرة وولادك حموكي

بس الحيتان رجعو من  تاني يكتفوكي

يا مصر لإمته يدوس فيكي الجبان

ولإمته يكون الظلم سِيد كل الأنام

وإمته بجد ولادك هيعمروكي

يا مصر شاب فينا العيال

مات الشباب

والأمهات وسط السواد

بالدموع نزلو يودعوكي

يا مصر دمعتي علي خدي نشفت

صوتي اتنبح

والظلم أصبح  للحيتان بشر وفرح

يا مصر صرختنا انتحار

وثورتنا خدوها ظلم

ووزعوها في الميدان

ذُل وهوَان

يا مصر قومي واصرخي

يا مصر ثوري وحرري

يا مصر موِّتي فيكي الحيتان

وابلعي ظُلم السنين

واطرحي فرح الجبين

يا مصر حيرني السؤال

تاه الجواب

يا تري على فين بينا

 يا مصر رايحة

؟؟؟