شخـــــبطة

قلبي مليان شخبطه

قلبي مليان لخبطه

مليون صرخه الم

جوايا متنططه

دمعه ندم ع الخد

سايله متمرده

بصوت مبحوح وسط السكات

صرخ قلبي

وقال كفايه

كفايه شخبطه ولخبطه

كفايه يا صرخه الم متنططة

انا قلبي تاعباه الهموم

نفسه يرمي عن كتفه شويه حمول

اشتاق لنوم من غير دموع

اشتاق لنبضه دافيه

للحياه متشوقه

وف وسط ضلمتي

وسط السكات

وسط الدموع والحزن والاهات

تتمدلي ايد تاخدني بطبطبه

تقولي ولا يهمك يا بنتي

الدنيا ايه غير شويه لخبطه

كيفها تعاند فينا

وتشخبط حيطان قلوبنا

في العمر مليون شخبطه

بس الجدع اللي عليها

يسوق الخبث والنمردة

وقلبه يبقي جذع ثابت

لا تهزه ريح ولا مرمطه

ده العمر واحد والقلب واحد

يكفينا ربنا شر الشخبطه

N.M