دُمت لي قلمي صوتاً لقلبي..

ودُمت لي شاطئي سكناً لأيامي..


نوفمبر 16، 2011

دبدوب وشكولاته وبالونة..



دبدوب وشكولاته وبالونة..





دي كانت الحياة..


كرتون طول النهار..


وفسحة آخر الليل..


ودايماً الصديق  دبدوب..


والحُب شكولاته..

والجايزة بالونة..

 أحمر ومنفوخة


بكرة زي بعده..

أيام وبتعدي..

الا لو كان مصيف..

أو لعب في الحارة..




 
نجري علي الدكتور..

لو يوم عيا الدبدوب..

ونأكله معانا..

ونبوسه في بُكانا..




دُموع أول يوم حضانة..

حبيبي يا دبدوب..

وعاوز أروح لماما..


وتاني يوم يلا..


اتأخرت ع الحضانة..


اللعب والمراجيح..


والنجمة في الكراريس..


ونغني طول اليوم..


آخر النهار  مهدود..


م اللعب والتنطيط..



نجري بسرعة ننام..


ونغني للدبدوب..


ونحكي عن الحضانة..


صاحبتي ياسمين..


وصاحبنا ده باسم..


والصبح نجري قوام..


نخطف الشنطة..


قبل الفطار ما يفوت


وبسرعة من غير صوت..


نخبي فيها الدبدوب^_^



NeRmEeN MaHmOuD

هناك 13 تعليقًا:

  1. احساسها جميل قوي فكرتيني بايام زمان ايام البال مرتاح وحاجات كتير جميلة
    والصور جميلة قوي مع الكلام يسلم ذوقك بجد

    ردحذف
  2. ياااااااااااه
    فكرتينى بأيام جمييييلة .. ياريتها ترجع تانى بجد ! :)
    مافيش أحلى منها والله
    ومافبش أحلى من الأحاسيس الجميلة النقية اللى وصفتيهالنا دى يا نيرمين
    تسلم إيدك

    ردحذف
  3. الللللللللللللله بجد
    حلوة اوى اصلا
    فكرتينى بالايام الى قبل ما نكون كده !

    ردحذف
  4. حلوووووووووة أووووووووووى
    فكرتنى بأيام الطفولة .. الوحد مش بيحس بقيمتها
    غير بعد ما خلاص عدت و فاتت
    جميلة جدا :)

    ردحذف
  5. جميل الحنين إلى تلك الطفولة الرائعة..

    تلك الذكريات الجميلة..

    تلك الأيام البسيطة..

    جميلة تلك يا نيرمين ^_^

    ردحذف
  6. حلوة اوى رجعتيلى طفولتى نايس توبيك

    ردحذف
  7. يااااااااااه فكرتيني بالذى مضي ربنا يخليكي

    ردحذف
  8. الله
    احساس جميل وانا بقرأ التدوينة دي
    مشاعر حلوة اووووووي

    ردحذف
  9. جميييييييييييييييله

    بس انا ماكنش عندى دبدوب :D

    ردحذف
  10. شكرا ليكم جميعاً..


    نورتوني(:

    ردحذف
  11. جميله ..بس انا كانت كوره :)

    ردحذف
  12. انا حاسه انى عايشه معامى علي اغنيه ذكرياااااااااااااات

    بيجد اجمل ايام الطفوله مع انى ماليش في الدباديب ساعتها
    كنت بدى الكورة بالشلوت هههههههههههه

    ردحذف
  13. انت مبدعة بجد ما شاء الله ربنا يحفظك ويوفقك

    ردحذف