دُمت لي قلمي صوتاً لقلبي..

ودُمت لي شاطئي سكناً لأيامي..


نوفمبر 17، 2011

شيبسي بالخل^_^



شيبسي بالخل
    ^_^






عمرك حصلك يوم يبقي نفسك تاكل أكله طول عمرك ما بتحبهاش

أو مش بتحبها قوي..بس نفسك راحت ليها فجأة..وبدون مقدمات..

عمرك جيت تشتري كيس الشبسي اللي بتشتريه كل يوم

بنفس الطعم اللي بتحبه وبتجيبه كل يوم

لقيت ايدك راحت علي طعم تاني..

عمرك ما جربته..ولا فكرت في يوم تدوقه أصلا^_^



طب عمرك ما افتكرت حد فجأة..وانت مشفتوش من سنين كتير

ولا حصل بينكم كلام..ولا أي حاجه تفكرك بيه..

هو بس فجأة جه على بالك..من غير أي مُقدمات..



طب عمرك بقي جربت تشارك حد اللإحساس ده

يعني عمرك مثلاً ما كنت ماشي مع صاحبك..

ولقيت انكو فجأة وحشكو نفس الأكل..

أو وانتو بتشترو الشيبسي زي كل يوم

ايديكو راحت علي نفس الطعم اللي محدش فيكو بيحبه ولا جربه قبل كده

كل الحكاية انه فجأه جه على باله

طب عمرك كده وانت قاعد مع صاحبك ووسط السكات فجأة

لقيتكو بتفتكرو نفس الشخص.. اللي مشفتهوش من زمان جداً
وبتقولو انكو عاوزين تسألو عليه..

حلوة قوي الحاجات اللي بتيجي صدفة..

بتيجي فجأة..

ومن غير مُقدمات..

والأحلى لما تلاقي حد يشاركك فيها..

ويبقي قلبكو بيدق دقة واحدة..

وبيجي على بالكو نفس الحاجات..

وفي نفس الفجأة..^_^



NeRmEeN MaHmOuD

هناك 11 تعليقًا:

  1. رووووووووووووووووووعة
    ^ـــــ^
    ساعات بيحصل بردو

    ردحذف
  2. بتحصل كتير وفجاه انا وصبحتى نقول نفس الجمله

    او نقول نفسنا في حاجه ايه عايزين كذا انا وهى في بق واحد

    اجمل حاجه احسا المشاركه فعلا

    تحياتى ذكرتينى بحاجات ضحكتنى ^_^

    ردحذف
  3. بيحصل كتيييييييييير قوى
    بجد
    تسلمى
    ^_^

    ردحذف
  4. عندي واحده صاحبتي
    بتحصل معانا كتير قوي
    بس منغير خل يعني :D


    يسلملي قلم صاحبتي :)

    ردحذف
  5. شيبسسي بالخل ....^_______^


    طب عمرك فكرت بقا انك متكونش بتحب طعم بقا معين وتاكله غصبا واقتدارا وتجيبه كمان بس عشان حد بيحبه ...
    ماكس جبنة مشطشطة ^____________^

    ردحذف
  6. اممم.بتحصل

    بس مش ف الشيبسى :)



    جميله الفكره :)

    ردحذف
  7. بتحصل كتير وفكرة غريبة بصراحة

    ردحذف
  8. بجد عندك حق جدا الاحساس ده بيبقى رائع اوى اوى انا كنت بحس كده مع ايمان صحبتى لدرجة والله لو تعبت بليل وانا ف بتنا بتعب نفس التعب وتانى يوم لما اشوفها الاقيها بتقولى اسكتى انا كنت تعبانه امبارح القيتى بقولها وانا كمان كنت بحس بحاجه جميله اوى كانى سيبه نصي التانى ف بيت تانى

    ردحذف
  9. يووووووووه دا علطول بيحصل

    ردحذف