![[Nermeen Mahmoud] ~ على شـ أحلامي ـاطئ~](http://4.bp.blogspot.com/-DJHuwq-TWOU/Tr1VtYsLbJI/AAAAAAAAAGY/a6F17bqS_6c/s1600/upload_nninn11%25D8%25AA%25D9%2586%25D9%2588.jpg)
حلوة قوي الدنيا
ومليانة ورد
وساعات كتير وحشه
ومليانه برد
واسعة قوي الدنيا
ومليانه ناس
وساعات كتير زحمة
ومليانة بُعد
زاهية قوي الدنيا
مليانة رسم
وساعات كتير باهته
ومليانة حزن
واضحة قوي الدُنيا
مليانة وِد
وساعات كتير غامضة
مليانة حِقد
نفضل ليالي ندور
بين الفرح والخوف
بين القلق والوعد
بين الشبع والجوع
يجمعنا بس سؤال
علي فين بينا رايحة
ولا منين جاية
وليه السبق والجري
وليه الوَجع والغدر
أخرتها فين يعني
أهي كلها فانية
ومهما عِشنا سنين
عُمرنا ثانية..
قد ما تلف احنا بنلف معاها وبندور جواها عن حبة فرح وحبة سعادة .. ومازال البحث جاريا ..
ردحذف"أخرتها فين يعني
ردحذفأهي كلها فانية
ومهما عِشنا سنين
عُمرنا ثانية."
معاكى حق والله
على اد ما بنشوف فى الدنيا كتير
بحلوها ومرها
بس هى فى الاخر بتعدى
تسلم ايدك
صح بجد
ردحذفاوى اخرتها فانيه
ومحدش باقي
بس تقولى إيه بقي
في ناس مش هممها الا الدنيا